About Us
مين إحنا؟
احنا مش مجرد متجر هدايا… إحنا ناس حبّوا يشوفوا الابتسامة بتكبر على وجه شخص غالي، وقررنا نخلّي هاللحظة عادة يومية
قصة أوفيلا ما بلشت من خطة عمل ولا من دراسة سوق… بلشت من موقف عفوي، لما كنا ندوّر على هدية تضحك وتفرح، لقينا حالنا محاطين ببالونات وأفكار، وقلنا: “طيب ليش ما نخلي غيرنا كمان ينبسط؟”
كيف بلشنا؟
الموضوع بلش من زاوية صغيرة في البيت، مع كركبة ألوان وخيطان وبالونات عم تفقع فجأة (وصرنا نضحك بدل ما نزعل). كل مرة كنا نجهّز هدية ونشوف النظرة بعيون اللي استلمها، كنا نعرف إننا على الطريق الصح. ومن هون كبرت الفكرة وصارت مشروع
ليش تختارو “أوفيلا”؟
لأنه الهدية عنا مش “غرض” وبس. هي رسالة… بس بشكل ممتع مميّز وملوّن
ممكن تقول “بحبك”، “اشتقتلك”، أو حتى “سامحني على آخر مرة” ، وإحنا منحطها على بالون ومنخلي الرسالة أوضح من ألف كلمة
رؤيتنا؟
إنه نكون احنا المكان اللي تروحوله كل ما بدكو تفاجئوا حدا، مش بالهدية نفسها، بل باللحظة اللي بتصنعها، أوفيلا هو مشروع صغير بقلب كبير… منحب نفرّحكو، ونفرح معكو